घोडेगावात पलंग उत्सव व तेली समाज

     घोडेगाव : कुलस्वामिनी तुळजाभवानी मातेच्या पलंग उत्सवाला घोडेगाव (ता. आंबेगाव) येथे सुरवात झाली. पलंगाच्या दर्शनासाठी नागरिक येऊ लागले आहेत.

    हा पलंग येथे १० दिवस असतो. तुळजापूरच्या भवानी मातेच्या पलंगाची मिरवणूक तुळजापुरात झाल्यानंतर शिलंगणानंतर मातेची मूर्ती पलंगावर विराजमान केली जाते. विजयादशमी ते कोजागरी पौर्णिमा या काळात तुळजाभवानी माता या पलंगावर विश्रांती घेते. याच पलंगाचा उत्सव सध्या घोडेगावात सुरू आहे. या पलंगाची बांधणी करण्याचा मान येथील तिळवण तेली समाजाचे पुजारी बाबूराव अंबादास पलंगे, अनंत बाबूराव पलंगे, गणेश पलंगे, उमेश पलंगे करत आहेत. घोडेगाव येथील ठाकूर घराणे या पलंगाची कलाकुसर करतात. अरुण भागवत हे पलंग जोडण्याचे काम करतात. या पलंगाचे वास्तव्य श्री शनैश्वर मंदिरात असते. हा पलंग श्रावण वद्य सप्तमीपासून भाद्रपद शुद्ध पंचमीपर्यंत घोडेगावात असतो. या काळात भाविक पलंगाचे दर्शन घेतात. या १० दिवसांच्या वास्तव्यात तुळजाभवानी पलंग उत्सव समिती, ग्रामस्थ, तिळवण तेली समाज यांच्या वतीने सांस्कृतिक कार्यक्रमांचे आयोजन करण्यात आले आहे. भाद्रपद शुद्ध पंचमीला घोडेगावातून पलंगाची मिरवणूक काढली जाते. त्यानंतर पलंग निमदरी, जुन्नर, कुमशेत, नारायणगाव, पारनेर, अळकुटी, नगर, जामखेडमार्गे विजयादशमीच्या दिवशी तुळजापुरात दाखल होतो.

Kulaswamini Tulja Bhavani Mata Palang Utsav Ghodegaon

दिनांक 21-05-2019 17:47:23
You might like:
Sant Santaji Maharaj Jagnade Sant Santaji Maharaj Jagnade
संत संताजी महाराज जगनाडे
या साईटवरील सर्व साहित्‍य हे तेली गल्‍ली मासिकात 40 वर्षेत प्रसिद्ध झाले आसुन. सदरसाहित्‍य कोठेही प्रकाशित वा मुद्रीत करण्‍़यास मनाई आहे. सर्व हक्‍क तेली गल्‍ली मासिकाचे आहेत
copy right © 2020 www.Teliindia.com व तेली गल्‍ली
About TeliIndia TeliIndia.com हि साईट तेली गल्‍ली मासिकाची आहे. आपण वधु-वराचे नाव कोणत्‍या ही फी शिवाय नोंदवु शकता. तेली समाज वधु - वर विश्‍वाच्‍या सेवेची 40 वर्षींची परंपरा.
Contact us मदती साठी संपर्क करू शकता
अभिजित देशमाने, +91 9011376209,
मोहन देशमाने, संपादक तेली गल्‍ली मासिक +91 9371838180
Teli India, Pune Nagre Road, Pune, Maharashtra Mobile No +91 9011376209, +91 9011376209 Email :- Teliindia1@gmail.com
Develop & design by Abhijit Mohan Deshmane, mobile no 9011376209, 9371838180, Copyright ©